Imtehan ki tiyari pr mukalima, Tulaba ke darmiyan

امتحان کی تیاری پر مکالمہ

حمید       السلام علیکم! خیریت ہے اتنی جلدی میں کہاں جا رہے ہو؟

حمزہ        و علیکم السلام! ریاضی  کی امتحانی کتاب  لینے جا رہا ہوں،

حمید       مگر اتنی عجلت میں کیوں ہو؟ امتحان تو اگلے ہفتے شروع ہونگے۔

حمزہ        امتحان کی تیاری بھی تو کرنی ہے۔ اور پھر مجھے ریاضی کی بالکل سمجھ نہیں آ رہی۔

حمید       ہم کس دن کام آئیں گے؟ پریشان ہونے کی ضرورت نہیں میں ریاضی سمجھا دوں گا

حمزہ        بہت شکریہ جناب! مگر یہ کیسے ممکن ہوگا؟

حمید       میں روزانہ شام چار بجے سے سات بجے تک پڑھتا ہوں آپ میرےگھر آ جائیں ۔

حمزہ        بالکل ٹھیک، میں کل سے ہی آیا کروں گا۔

حمید       اور ہاں! آپ کے پاس انگریزی گائیڈ ہے نا؟

حمزہ        بالکل ہے ، ویسے بھی میری انگریزی  بہت اچھی ہے، آپ تو جانتے ہیں کہ میں ہر ٹیسٹ میں سب سے زیادہ نمبر لیے ہیں۔

حمید       بات تو سچ ہے، مگر مجھے یہ مضمون مشکل لگتا ہے، میری تیاری بھی کچھ بہتر نہیں۔

حمزہ        آپ بھی فکر مند نہ ہوں، آپ مجھے ریاضی کی تیاری کروا دیں اور میں آپ کو انگریزی کی کروا دوں گا۔

حمید       واہ جی واہ،  یہ  ہوئی نہ بات " ایک تیر سے دو شکار " ہماری ملاقات بھی روزانہ ہو جایا کرے گی اور امتحان کی تیاری بھی ۔

حمزہ        بالکل ٹھیک کہا آپ نے، اور یہ بتاؤ کہ دوسرے مضامین میں تیاری کیسی ہے؟

حمید       یار باقی تمام کی تیاری بہت اچھی ہے  ، بلکہ مزے کی بات تو یہ ہے اگر آپ میری انگریزی کی تیاری کروا دو تو اچھی پوزیشن آ جائے گی۔

حمزہ        میرے ابو نے تو اچھی پوزیشن پر    موبائل کے انعام کا وعدہ بھی کیا ہے۔ میں تو یہ انعام ضرور حاصل کروں گا، چاہے دن رات کیوں نا پڑھنا پڑھے۔

حمید       انعام تو مجھے بھی ملے گا مگر یا ر اچھی پوزیشن سے ہمارے والدین کی عزت بھی بڑھے گی۔
             سکول کا نام بھی روشن ہوگا۔ اور کالج میں داخلہ بھی آسانی سے مل جائے گا۔

حمزہ         ٹھیک کہا آپ نے، اب میں چلتاہوں کل ملیں گے۔

حمید       میں آپ کا انتظار کروں گا۔ اللہ حافظ

حمزہ        اللہ حافظ